föstudagur, júní 02, 2006
365
Er ekki sáttur við 365 þessa dagana og eru allar líkur á því núna að við hjónin segjum upp Stöð 2.
Þannig er að við erum búin að vera áskrifendur af Stöð 2 í níu ár og ég hef tekið Sýn í eitt og hálft ár. Hef reyndar efast aðeins um þá ráðstöfun, þar sem ég hef ekki horft sérstaklega mikið á þá stöð. Til að gæta allrar sanngirni skal þess getið að vinnuveitandi minn borgaði fyrir mig Stöð 2 og Sýn sem hluta af kjörum mínum þar. En það er önnur saga.
Ég hrósaði happi yfir því að vera með Sýn fyrir nokkrum mánuðum þegar ég frétti af HM-tilboði Sýnar, þar sem borga þurfti um 13 þúsund kall ef maður ætlaði að vera með Sýn á HM. Rökin fyrir því voru þau að verðlauna ætti trygga áskrifendur. Ég taldi því að ég ætti bara að borga venjulegt mánaðargjald fyrir júní, en planið hjá mér var að segja Sýn upp eftir HM, þar sem ég horfi ekki sérstaklega mikið á þá stöð.
Þegar greiðsluseðill kom frá 365 tók ég eftir því að Sýn var ekki á honum. Þegar ég grenslaðist fyrir um það kom það í ljós, að ef ég ætlaði að vera með Sýn í júní, þyrfti ég að skuldbinda mig í sex mánaða áskrift!
Þetta er ég afar ósáttur við, og ég hreinlega skil ekki þessa viðskiptahætti. Mér finnst þetta satt að segja ekki mikil umbun fyrir níu ára trygg viðskipti við þetta fyrirtæki. Með þessu eru þeir eingöngu að fækka í þeim hópi sem eiga þess kost að sjá HM, því að það munu færri kaupa áskrift undir þessum skilmálum. Ég hefði haldið að það væri betra að hafa verðið aðeins lægra til að fleiri keyptu áskriftina, en þeir sem reka þetta fyrirtæki hafa greinilega aðrar hugmyndir.
Þetta hefur einnig orðið til þess að ég er nánast búinn að ákveða að segja upp Stöð 2. Það eina sem við hjónin höfum horft á þar sem er í læstri dagskrá er Greys Anatomy (Rósa) og 24 (ég). Og það er eiginlega of mikill peningur að borga yfir fjögur þúsund kall bara fyrir þessa tvo þætti. Það er reyndar aldrei að vita hvað við gerum í vetur, þegar Idolið byrjar aftur því það var alltaf mikil fjölskyldustund. En það verður bara að koma í ljós. En ef ég geri það, verður það með óbragði í munninum.
***
Fór í dag á setningarhátíð Bjartra daga í Hafnarfirði, þar sem Líf var að spila þar á flautu með flautukór Áslandsskóla. Stórglæsilegt hjá minni eins og hennar er von og vísa. Þar hitti ég marga sem ég hafði verið í samskiptum við í gegnum starf mitt hjá Víkurfréttum og var þar um margt að spjalla. Mér leið hins vegar undarlega yfir því að vera á viðburði í Hafnarfirði án þess að þurfa að mynda hann. Það vakti hins vegar athygli mína að Fjarðarpósturinn hafi ekki séð ástæðutil að sinna þessu á meðan arftaki minn hjá Víkurfréttum var mættur með myndavélina. Sýnir þetta bara ekki svart á hvítu hvort blaðið er alvöru bæjarblað?
0 comments
Er ekki sáttur við 365 þessa dagana og eru allar líkur á því núna að við hjónin segjum upp Stöð 2.
Þannig er að við erum búin að vera áskrifendur af Stöð 2 í níu ár og ég hef tekið Sýn í eitt og hálft ár. Hef reyndar efast aðeins um þá ráðstöfun, þar sem ég hef ekki horft sérstaklega mikið á þá stöð. Til að gæta allrar sanngirni skal þess getið að vinnuveitandi minn borgaði fyrir mig Stöð 2 og Sýn sem hluta af kjörum mínum þar. En það er önnur saga.
Ég hrósaði happi yfir því að vera með Sýn fyrir nokkrum mánuðum þegar ég frétti af HM-tilboði Sýnar, þar sem borga þurfti um 13 þúsund kall ef maður ætlaði að vera með Sýn á HM. Rökin fyrir því voru þau að verðlauna ætti trygga áskrifendur. Ég taldi því að ég ætti bara að borga venjulegt mánaðargjald fyrir júní, en planið hjá mér var að segja Sýn upp eftir HM, þar sem ég horfi ekki sérstaklega mikið á þá stöð.
Þegar greiðsluseðill kom frá 365 tók ég eftir því að Sýn var ekki á honum. Þegar ég grenslaðist fyrir um það kom það í ljós, að ef ég ætlaði að vera með Sýn í júní, þyrfti ég að skuldbinda mig í sex mánaða áskrift!
Þetta er ég afar ósáttur við, og ég hreinlega skil ekki þessa viðskiptahætti. Mér finnst þetta satt að segja ekki mikil umbun fyrir níu ára trygg viðskipti við þetta fyrirtæki. Með þessu eru þeir eingöngu að fækka í þeim hópi sem eiga þess kost að sjá HM, því að það munu færri kaupa áskrift undir þessum skilmálum. Ég hefði haldið að það væri betra að hafa verðið aðeins lægra til að fleiri keyptu áskriftina, en þeir sem reka þetta fyrirtæki hafa greinilega aðrar hugmyndir.
Þetta hefur einnig orðið til þess að ég er nánast búinn að ákveða að segja upp Stöð 2. Það eina sem við hjónin höfum horft á þar sem er í læstri dagskrá er Greys Anatomy (Rósa) og 24 (ég). Og það er eiginlega of mikill peningur að borga yfir fjögur þúsund kall bara fyrir þessa tvo þætti. Það er reyndar aldrei að vita hvað við gerum í vetur, þegar Idolið byrjar aftur því það var alltaf mikil fjölskyldustund. En það verður bara að koma í ljós. En ef ég geri það, verður það með óbragði í munninum.
***
Fór í dag á setningarhátíð Bjartra daga í Hafnarfirði, þar sem Líf var að spila þar á flautu með flautukór Áslandsskóla. Stórglæsilegt hjá minni eins og hennar er von og vísa. Þar hitti ég marga sem ég hafði verið í samskiptum við í gegnum starf mitt hjá Víkurfréttum og var þar um margt að spjalla. Mér leið hins vegar undarlega yfir því að vera á viðburði í Hafnarfirði án þess að þurfa að mynda hann. Það vakti hins vegar athygli mína að Fjarðarpósturinn hafi ekki séð ástæðutil að sinna þessu á meðan arftaki minn hjá Víkurfréttum var mættur með myndavélina. Sýnir þetta bara ekki svart á hvítu hvort blaðið er alvöru bæjarblað?
