mánudagur, júní 12, 2006
Stöð 2 og Sýn - framhald
Við Rósa sendum þennan tölvupóst til Stöðvar 2 (eða 365 eða hvað þetta nú heitir) í kvöld. Aðallega til þess að viðhalda því prinsippi að þegja ekki yfir óánægju sinni. Spurning hvort einhver viðbrögð verða við þessu.
-----
Góðan daginn.
Erindi okkar með þessum tölvupósti er að lýsa yfir megnri óánægju með viðskiptahætti ykkar hjá 365-ljósvakamiðlum þar sem lítið virðist gert úr þeirri tryggð sem við höfum sýnt fyrirtækinu sem viðskiptavinir til margra ára.
Við hjónin gerðust áskrifendur að Stöð 2 um það leyti sem við byrjuðum í sambúð í ágúst 1997. Áskrift okkar var óslitin þangað til nú í júní. Við gerðumst svo áskrifendur af Sýn fyrir um einu og hálfu ári síðan. Svo að allar staðreyndir séu uppi á borðinu var það ætlun okkar að segja upp Sýn að lokinni heimsmeistarakeppninni í knattspyrnu þar sem áhorfið á stöðina hefur ekki verið það mikið á heimilinu upp á síðkastið.
Sýn var inni á greiðsluseðli frá ykkur í maí, sem við greiddum. Þegar seðillinn barst fyrir júnímánuð var Sýn hins vegar ekki inni á honum. Þegar grenslast var fyrir um ástæður þess var okkur sagt að til þess að við gætum verið áskrifendur í júní þyrftum við annaðhvort að skuldbinda okkur til að vera áskrifendur í þrjá mánuði eða borga mun hærra mánaðargjald fyrir júní. Þetta finnst okkur frekleg leið til þess að neyða mann til að borga fyrir eitthvað sem hann vill ekki, og slíkt látum við ekki yfir okkur ganga. Fyrir fjórum árum var hægt að kaupa áskrift af Sýn meðan á HM stóð á góðu verði og skyldum við það þá þannig að þar sem við værum með Stöð 2 líka væri þetta mögulegt. En greinilegt er að önnur sjónarmið ríkja nú en fyrir fjórum árum.
Þetta varð til þess að við ákváðum að greiða ekki greiðsluseðilinn og hætta þar með áskrift af Stöð 2. Okkur er misboðið með þessum viðskiptaháttum og finnst ekki rétt að menn komist upp með slíkar þvingunaraðgerðir. Okkur finnst þetta jafnframt lítilsvirðing við okkur sem viðskiptavini sem höfum haldið tryggð við fyrirtækið í tæp níu ár, og þó að við séum kannski ekki stór þáttur í bókhaldi fyrirtækisins þá erum við þó hluti af þeim viðskiptavinum sem halda þessu fyrirtæki gangandi.
Virðingarfyllst,
Hallgrímur Indriðason
Rósa Lyng Svavarsdóttir
Þrastarási 71
221 Hafnarfjörður
0 comments
Við Rósa sendum þennan tölvupóst til Stöðvar 2 (eða 365 eða hvað þetta nú heitir) í kvöld. Aðallega til þess að viðhalda því prinsippi að þegja ekki yfir óánægju sinni. Spurning hvort einhver viðbrögð verða við þessu.
-----
Góðan daginn.
Erindi okkar með þessum tölvupósti er að lýsa yfir megnri óánægju með viðskiptahætti ykkar hjá 365-ljósvakamiðlum þar sem lítið virðist gert úr þeirri tryggð sem við höfum sýnt fyrirtækinu sem viðskiptavinir til margra ára.
Við hjónin gerðust áskrifendur að Stöð 2 um það leyti sem við byrjuðum í sambúð í ágúst 1997. Áskrift okkar var óslitin þangað til nú í júní. Við gerðumst svo áskrifendur af Sýn fyrir um einu og hálfu ári síðan. Svo að allar staðreyndir séu uppi á borðinu var það ætlun okkar að segja upp Sýn að lokinni heimsmeistarakeppninni í knattspyrnu þar sem áhorfið á stöðina hefur ekki verið það mikið á heimilinu upp á síðkastið.
Sýn var inni á greiðsluseðli frá ykkur í maí, sem við greiddum. Þegar seðillinn barst fyrir júnímánuð var Sýn hins vegar ekki inni á honum. Þegar grenslast var fyrir um ástæður þess var okkur sagt að til þess að við gætum verið áskrifendur í júní þyrftum við annaðhvort að skuldbinda okkur til að vera áskrifendur í þrjá mánuði eða borga mun hærra mánaðargjald fyrir júní. Þetta finnst okkur frekleg leið til þess að neyða mann til að borga fyrir eitthvað sem hann vill ekki, og slíkt látum við ekki yfir okkur ganga. Fyrir fjórum árum var hægt að kaupa áskrift af Sýn meðan á HM stóð á góðu verði og skyldum við það þá þannig að þar sem við værum með Stöð 2 líka væri þetta mögulegt. En greinilegt er að önnur sjónarmið ríkja nú en fyrir fjórum árum.
Þetta varð til þess að við ákváðum að greiða ekki greiðsluseðilinn og hætta þar með áskrift af Stöð 2. Okkur er misboðið með þessum viðskiptaháttum og finnst ekki rétt að menn komist upp með slíkar þvingunaraðgerðir. Okkur finnst þetta jafnframt lítilsvirðing við okkur sem viðskiptavini sem höfum haldið tryggð við fyrirtækið í tæp níu ár, og þó að við séum kannski ekki stór þáttur í bókhaldi fyrirtækisins þá erum við þó hluti af þeim viðskiptavinum sem halda þessu fyrirtæki gangandi.
Virðingarfyllst,
Hallgrímur Indriðason
Rósa Lyng Svavarsdóttir
Þrastarási 71
221 Hafnarfjörður
