<$BlogRSDUrl$>

sunnudagur, ágúst 27, 2006

Áfram hjá RÚV

Hef fengið staðfestingu á því að ég verði áfram hjá RÚV eftir sumarið. Er vitaskuld hæstánægður með það. Finnst ég vera algjörlega á réttri hillu á þessum vinnustað og ekki er verra að geta gripið í verk fyrir íþróttadeildina líka. Í gegnum hana hef ég nefnilega kynnt því að vinna við sjónvarp, sem var eini miðillinn sem ég hafði ekki prófað áður en ég byrjaði þarna. Á eftir að kynnast því enn betur, þó að ég sé enn þeirrar skoðunar að Útvarpið sé að ýmsu leyti skemmtilegri miðill að vinna á.

***

Er í vaktafríi núna fram á fimmtudag. Það verður væntanlega notað til að setja saman Liverpool-blað. Efnismikið blað í vændum eins og gefur að skilja.

***

Fagnaði 100 ára afmæli Kop í gær, og Liverpool gerði það líka með sigri á West Ham. Mér líst alveg gríðarlega vel á þetta tímabil, og það segir sitt að við séum með fjóra varnarmenn meidda og samt erum við ekki í vandræðum með að stilla upp liði. Dirk Kuyt kom líka gríðarlega sterkur inn og á örugglega eftir að reynast okkur vel. Bíð spenntur eftir því að hann farið að raða inn mörkunum.

***

Í þessari eða næstu viku verður haldinn fundur um aukaverkefni sem hefur verið í umræðunni í heilt ár. Ef hann fer vel kemst það væntanlega á koppinn, sem þýðir að ég mun hafa nóg að gera næstu tvo mánuðina.

2 comments

This page is powered by Blogger. Isn't yours?