Brjálaði púllarinn

Nýtt Liverpool-lið! Ég er liggur við ennþá með glottið á vörunum eftir að hafa hroft á Liverpool rústa Celtic á mánudagskvöldið. Yfirbragðið á Liverpool-liðinu hefur tekið svo miklum stakkaskiptum að það er ótrúlegt! Boltinn gekk vel, einnar snertingar bolti spilaður án þess að gefa boltann klaufalega frá sér og síðan var sótt hratt þegar ástæða var til. Biscan átti mjög góðan leik, Cisse var frábær og allt leit þetta mjög vel út. Kannski ekki raunhæft að vera með titlavæntingar strax en maður getur í það minnsta verið mjög bjartsýnn á komandi tímabil. Út úr bænum Það var ákveðið í gær að fara út úr bænum um helgina. Okkur er boðið í sumarbústað á Flúðum. Ég þarf að taka viðtal kl. 1 á morgun en við munum fara strax eftir það, í brjálæðisumferðina sem þá verður...það verður athyglisvert!! Við verðum þó sennilega ekki nema fram á sunnudag. Það kom aldrei til greina af okkar hálfu að fara á útihátíð en ég verð að viðurkenn að ég sé pínulítið eftir því að hafa ekki notað tjaldið neitt í sumar. En við verðum þá bara enn duglegri næsta sumar!! (yeah right!!). Aftur í vinnu Mætti aftur í vinnuna í gær. Verð samt að viðurkenna að ég er enn ekki alveg kominn í fullan gang. Það gerist þó fljótlega. Fríið mitt er samt búið að vera það gott að ég er alveg tilbúinn að byrja að vinna aftur. Ég á samt eitthvað meira frí inni sem ég veit ekkert hvenær ég get tekið. Það verður bara að koma í ljós.

Jahhá!!!
 

Your CD collection is almost as big as your ego,
and you can most likely play an instrument or
three. You're a real hit at parties, but you're
SO above karaoke.What people love: You're instant entertainment.
Unless you play the obo.What people hate: Your tendency to sing louder than
the radio and compare everything to a freaking
song.

What Kind of Elitist Are You?
brought to you by Quizilla

Þetta er dagstatt, ég verð bara að viðurkenna það!

Kominn, farinn og kominn aftur
 
Jæja, þá er ferðalögum lokið. Vikuferð með dóttur minni frá 2.-10. júlí, fyrst í Svignaskarð í þrjár nætur, þá í Eyjafjörð í fjórar nætur og að lokum Gautlönd í Mývatnssveit í eina nótt. Mjög fínt ferð og norðlenska blíðan skartaði sínu fegursta. Einstakt og líka gott að fá þennan tíma einn með Líf.

Síðan kom Rósa heim frá Köben og föstudaginn 16. júlí var svo haldið á Vestfirðina. Þar vorum við í viku í sumarbústað í Grónesi í Djúpafirði og þar var sama blíðan. Ég fékk meiri brúnan lit á húðina en ég hefði fengið á Spáni!

Það sem mér fannst reyndar skemmtilegast við þessa dvöl var að geta keyrt aðeins um Vestfirðina en við tókum einn dag í bíltúr (ég vildi hafa þá fleiri en kona og dóttir höfðu ekki jafn mikla þolinmæði fyrir bílsetu og ég, kannski skiljanlega). Við keyrðum þá um Patreksfjörð, Tálknafjörð og Bíldudal. Af þessum þremur bæjum, sem eru í korters akstursfjarlægð frá hver öðrum, fannst mér Tálknafjörður mest spennandi, en við stoppuðum þar til að fara í sund. Trúlega hefur það eitthvað með það að gera að við ætluðum fyrst að fara í sund í Patreksfirði og vorum við það að borga uppsett verð þegar það kom upp úr afgreiðslukonunni að sundlaugin væri biluð en pottarnir virkuðu! Við þau tíðindi hættum við snarlega við og ákváðum að fara í sund á Tálknafirði og þar var mun veglegri sundlaug og umhverfið allt einhvern veginn meira aðlaðandi. Bæði Patreksfjörður og Bíldudalur fannst mér hafa hálf sorglegt yfirbragð, sérstaklega þó Patreksfjörður.

Það var hins vegar frábært að keyra leiðina og það er ekki spurning að landslagið í fjörðunum er með því fallegra á landinu. Fjöllin og firðirnir skörtuðu sínu fegursta og ég heillaðist mjög af því sem ég sá á milli bæjanna. Maður á eftir að skoða meira af þessu svæði síðar, það er alveg á hreinu.

En þetta frá er búið að vera frábært og afslappandi og maður kemur endurnærður til starfa síðar í vikunni.