Brjálaði púllarinn

Eurovision

Jæja, þá er maður byrjaður að kíkja á Eurovision-lögin og ég stefni að því að reyna að koma með smá hugleiðingar um lögin sem ég hyggst kíkja á á næstunni. Byrjað verður á þeim sem þurfa að fara í gegnum forkeppni.

Austurríki: Ég er bara nokkuð hrifinn af því lagi. Ekki týpískt Eurovision, en fínasta melódía og maður kemst í gott skap. Fínn fílingur...þetta ætti að komast upp úr forkeppninni og gæti lent nokkuð ofarlega ef það kemst upp.

Litháen: Steindautt. Það er eins og Litháen sé eina Eystrasaltslandið sem kunni ekki að semja Eurovisionlög...þetta er endanleg staðfesting á því.

Portúgal: Guð minn almáttugur! Einstaklega ófrumlegt lag, og svo er reynt að syngja smáhluta á ensku til að bjarga andlitinu. Skelfileg lagasmíð.

Moldavía: Ekki sérstakleg grípandi lag, en þessi gaur gæti verið svona týpa sem gæti vakið athygli. Þetta tungumál sem hann syngur á er hins vegar ekki sérstaklega sönglegt, þ.e. þegar hann er ekki að grípa til enskunnar. Þetta lag gæti skrönglast í gegnum forkeppnina.

Lettland: Hálfgert strákabandalag, en gæti virkað vel á kvenþjóðina í Evrópu. Sé þetta alveg fyrir mér enda ofarlega í keppninni.

Mónakó: Ekkert ósvipað laginu sem Jónsi fór með út í fyrra, ballaða sem nær aldrei almennilega flugi fyrr en síðustu hálfu mínútuna. Ef það kemst í gegnum forkeppnina á það kannski séns í að vera fyrir ofan miðju, en ég hugsa að það nái því ekki.

Ísrael: Þeir hafa átt það til að taka lag í stíl sem er einhvern veginn einkennandi fyrir þá, og það hefur mér fundist henta þeim best. Þetta lag er mjög dæmigert dægurlag sem skilur ekkert eftir sig. Sé ekki að þetta geti gert neinar rósir.

Hvíta-Rússland: Kraftmikið og nokkuð skemmtilegt lag. Gæti alveg gert góða hluti, þó að það sé varla sigurkandídat. En þetta verður örugglega ofarlega.

Holland: Alveg þokkalegt lag, en hefur þó þann galla að vera of lengi í gang. Gæti þó komið á óvart og lent ofarlega.

Ísland: Það er búið að gera svolítið mikið úr þessu lagi, og það með réttu. Þetta er lagt sem getur lent í topp 10...en mér fannst lagið sem Selma fór út með 1999 mun betri lagasmíð en þetta lag. Þetta er ekki sigurlag, en alveg topp 10 lag.

Meira síðar...vonandi.

Útrás dagsins

YYYYYYYYYYYYYYYEEEEEEEEEEEEESSSSSSSSS!!!!!!!!!!!!!!!!!!!!!!!!!!!!!!

WOOOOOOOOOOOHOOOOOOOOOOOOOOOO!!!!!!!!

Chelsea-vörn hvað!!!!!!!!!

(þessi útrás var í boði þeirra Sami Hyypia, Jamie Carragher, Igor Biscan, Xabi Alonso og allra hinna hetja gærkvöldsins).

Viðburðir

Frekar lítið hefur verið um stórviðburði síðustu vikuna. Í gær venjuleg þriðjudagsvinna. Það gerir það samt alltaf erfitt fyrir þegar tveir viðburðir eru á þriðjudeginum og maður verður því að klára vinnsluna á blaðinu þann dag, eða um kvöldið eða nóttina. Klukkan hálf sex hófst nefnilega stóra upplestrarkeppnin og henni var ekki lokið fyrr en kl. átta. Þá þurfti ég að bruna heim þar sem Rósa var búin að laga tvær samlokur handa mér (hún er náttúrulega snillingur) og síðan bruna niður að Ásvöllum til að ná einhverjum myndum úr leik Hauka og Vals. Síðan var byrjað að raða upp blaðinu og gert hlé á því til að skreppa í fótbolta vestur í bæ. Síðan var farið aftur í vinnuna og blaðið klárað kl. hálf þrjú um nóttina. Svona eru nú þriðjudagarnir yfirleitt. Nema í næstu viku, því þá kemur blaðið út á miðvikudaginn og ég verð því að klára það á mánudeginum. Já, það er alltaf nóg að gera í vinnunni!

***

Um helgina fengum við heimsókn frá fyrrverandi nágrönnum okkar á Holtsgötunni, þeim Sigga og Stellu. Þau tilkynntu okkur að Stella væri ólétt og ætti að eiga í september. Við samgleðjumst þeim auðvitað innilega. Siggi minntist svo á það við mig að hljómsveitin sem hann var í væri að koma saman aftur en væri að leita að hljómborðsleikara. Spurði hvort ég vildi taka þetta að mér og ég tók jákvætt í það. Þetta er samt alltaf spurningin um tíma...hefur maður tíma til að vera að æfa 2-3 sinnum á kvöldi? En ef af þessu verður geri ég ráð fyrir að prófa þetta og sjá svo hvað gerist. Það væri nú gaman að fitla við tónlistina aftur...og það er líka möguleiki að grípa í saxafóninni í einstaka lögum....hmmm...er ég kannski að fara fram úr sjálfum mér þarna??

***

Á föstudaginn er partý hjá vinnunni og fer það fram í Keflavík. Ætli maður geti skemmt sér það? Það verður að koma í ljós.

***

Juventus-Liverpool í kvöld. Ingi vinnufélagi minn er að ærast úr bjartsýni. Ég er bara hóflega bjartsýnn. Ég held að við getum alveg slegið þá út, en lykillinn af því að er að skora að minnsta kosti eitt mark þarna úti. Ég tel okkur alveg geta það ef Baros og Garcia ná sér á strik, og kannski sérstaklega ef Alonso nær nokkrum eitruðum sendingum.