Brjálaði púllarinn

Handbolti

Fer ekki að kommenta á einstaka leiki. Slóveníuleikurinn var fínn fyrir utan þennan lokakafla og Kúveit-leikurinn í gær bar þess merki að menn höfðu engan áhuga á verkefninu. Kannski skiljanlega, en það gæti skipt máli að við höfum ekki unnið þennan leik stærra.

Mér finnst hins vegar skemmtilegt að sjá skoðanir manna sveiflast. Það er t.d. handboltaþjálfari að vinna í sama húsi og ég. Eftir Tékkaleikinn hrósaði hann Viggó fyrirþað hvað hann væri nú góður þjálfari og hefði gert sniðugar breytingar þegar við unnum upp forskotið. Eftir Slóvenaleikinn var hins vegar allt að, þó að við hefðum í raun spilað þann leik betur í heildina heldur en Tékkaleikinn. "Viggó kann ekki að spila vörn. Hvað er hann að gera með Dag inná? Af hverju er verið að spila þessa vörn? Af hverju var Óli ekki tekinn útaf?" Semsagt, ef leikurinn tapast þá er allt í hassi sama hversu vel við spilum en ef við vinnum einhverja þjóð sem er þokkaleg þá erum við frábærir, sama hvað við spiluðum illa fyrstu 45 mínúturnar.

Maður sér þetta reyndar ekki aðeins hjá handboltalandsliðinu heldur líka á spjallborðinu á liverpool.is. Þegar vinnast góðir sigrar þá erum við að verða meistarar en þegar við töpum illa þá á að reka þetta Spánverjafífl sem er að stjórna liðinu og helst alla Spánverjana sem hann er búinn að kaupa líka. Mörgum virðist semsagt fyrirmunað að taka þokkalega yfirvegaða afstöðu. Merkilegt!

Fótboltinn

Nú er ég semsagt að tala um innanhússfótboltann. Oft hef ég verið slakur, en aldrei eins og í þessum tíma á þriðjudaginn. Yfirleitt hef ég þrek í hálfan tíma en þarna var ég búinn eftir tíu mínútur. Skelfilegt!

Og hvað ætla ég að gera í þessu? Góð spurning, sem verður svarað með tíð og tíma.

Liverpool

Við erum allavega komnir í einn úrslitaleik, þó að við höfum ekki gert það með neinum sérstökum glæsibrag. En okkur hefur alltaf gengið vel í Cardiff....vonandi heldur það áfram. Ekki veitir af að lækka rostann í þessu Chelsea-liði.

Liverpool....argh!!!

Þetta var nú meiri hörmungin á laugardaginn. Við vorum hreint út sagt skelfilegir í þessum leik. Gerrard var greinilega ekki búinn að jafna sig á meiðslunum, Pellegrino heldur ennþá að hann hafi allan tímann í heiminum eins og í spænsku deildinni, Garcia spilar sig stöðugt í öngstræti og Riise virðist enn ekki vita til hvers hægri fóturinn er. Þetta var bara skelfileg frammistaða hvernig sem á það er litið. Það eina jákvæða er að við getum ekki spila verr en þetta.

Við söknum Alonso. Það held ég að sé helsta ástæðan fyrir slæmu gengi upp á síðkastið enda er hann orðin kjölfesta í liðinu og í raun sá eini sem mjög erfitt er að leysa af hólmi. Við þurfum hins vegar að gera það næstu tvo mánuðinu og þá þurfum við að gera betur en þetta ef við ætlum að ná þessu meistaradeildarsæti. En næst er það Watford á morgun...vonandi vakna menn áður en að þeim leik kemur.

Handboltinn

Þvílíkt og annað eins. Oft er það bara ég sem fer hamförum fyrir framan sjónvarpið en nú vorum það við Rósa sem gerðum það saman, sérstaklega þegar Vignir mágur skoraði sitt mark. Að vinna upp níu marka forskot er í senn ótrúlegt og fáránlegt og ef þetta gefur mönnum ekki sjálfstraust fyrir næstu leiki gerir ekkert það.

Helgin

Maðr hefur orðið vit á því oftast nær að drekka ekki of mikið. En á föstudagskvöldið, þegar ég fór í pool með Hansa vinnufélaga mínum hafði ég það ekki. Mikið af bjór hvarf ofan í mig og þessi sambuca snafs sem ég ákvað að drekka þegar líða fór á kvöldið var greinilega of mikið fyrir mig að höndla. Við tók tilheyrandi æla og áfengisdauði, en mér tókst þó að komast heim. Það merkilega var hins vegar að heilsan daginn eftir var bara prýðileg...í það minnsta þangað til eftir Southampton-leikinn.

Helgin að öðru leyti var róleg...heima hjá mér á laugardag og svo heimsókn til mömmu á sunnudeginum.

Viðtal

Ég tók á föstudaginn viðtal við Nönnu Kristín Jóhannsdóttir, sem varð sú fyrsta til að detta út úr Idolinu, að mínu mati afar óverðskuldað. Margt sem hún sagði mér kom verulega á óvart, sérstaklega hvað hún virtist ótrúlega lítið svekkt yfir því að detta úr keppninni. En meira um það í blaðinu á fimmtudaginn.